اكدت تحريات المباحث ان الشريحة التى ارسلت منها رسائل التهديد للاعلاميين من تليفون السائق مدحت امين طلبة .. ورسائل التهديد ارسلت جميعها بتاريخ 13/12/2011 في الساعة 7 و50 دقيقة وتضمنت الرسائل مضمونا واحدا لتهديد الاعلاميين . وعمرو الليثي يتوجه للنيابة العامة للتنازل عن بلاغه في 20/12/2011 قال السائق ان عمرو الليثي طلب مني اشتري خطوط من غير بيانات واعطاني 200 جنيه لشراؤهم وجبت من شارع عبدالعزيز 4 خطوط اتصالات و2 موبينيل واشتريت 6 كروت شحن . وسألني عمرو الليثي .. جبت الخطوط فقلت له ايوة .. ويوم الثلاثاء 13/12/2011 طلب مني الحضور لتوصيله مشوار وسألني عن الخطوط معاك فقلت له ايوة فقال لي هات خط وتعالى . وركب الخط في الموبايل بتاعي وقال لي طلع ورقة وقلم واكتب الرسايل اللي هقولها وقال لي " لم نفسك يومك قرب ديتك عندنا رصاصتين وقد اعذر من انذر ... شباب مصر الحر " وقالي ابعتها في رسائل لارقام التليفونات اللي هقولك عليها دلوقتي واعطاني 7 او 8 ارقام كان اولهم رقمه هو شخصيا فانا استغربت وقلت له يا استاذ عمرو ده رقم حضرتك .. قاله ايوة ابعت لي وملاني 7 ارقام وقال ابعت رسالة واحدة لكل رقم ابعت دلوقتي وانا قاعد جنبك وخد مني الورقة اللي فيها الارقام والرسالة وقطعها ورماها في الشارع .. ويوم السبت 17/12/ سألني الاستاذ عمرو مسحت الرسايل اللي بعتها وانا قلت قله مسحتها وقالي ارمي الموبايل ده واشتري واحد غيره واداني 400 جنيه وانا اخجتهم وما اشترتش مومايل وخليته في البيت . سائق عمرو الليثي راسب 3 حقوق القاهرة سائق عمر الليثي راسب 3 حقوق القاهرة *وقال السائق في استجوابه امام النيابة انه راسب 3حقوق جامعة القاهرة *وقال السائق انه لم يتفق مع عمرو على مقابل مادي لانه السواق بتاعه * انا ارسلت الرسائل دي وانا في عربية عمرو الليثي وكنا واقفين امام بيته *انا بعت رسالة واحدة لكل رقم وعمر الليثي هو اللي قاللي مضمون الرسالة . * كتبت وراه على ورقة وبعد كده كتبتها على الموبايل . * عمرو الليثي ملاني الارقام وما اعرفش الارقام دي بتاعت مين . • عمرو الليثي يسأل سائقه يوم 17/12 هل التليفون موجود معاك قلت له ايوة فقال لي غير التليفون بسرعة واداني 400 واشتريت موبايل جديد ومرمتش القديم لاني كنت جايبه بالقسط . • السواق انا بعت الرسايل وشلت الشريحة ورميتها في الحال • النيابة تواجه السائق بالموبايل ماركة سامسونج .. ايوة الموبايل ده بتاعي وهو المستعمل في ارسال الرسايل السائق يبرر اعترافه تفصيلا بالواقعة بقوله انا اتخنقت وتعبت نفسيا والتليفون اتمسك مني وبالتالي مش هعرف انكر وكمان اناقلت الحقيقة عشان نتصالح وارحت ضميري . • النيابة هل اكرهك احد او اغراك بشئ للادلاء بذلك الاعتراف • ج لا انا بقول بمحض ارادتي • النيابة مرة اخرى : هل ذلك الاعتراف بمحض ارادتك ؟ • السائق : نعم • النياية توجه الاتهام للسائق بأنه هدد غيره كتابة بارتكاب جريمة ضد النفس وهي القتل العمد حال كونها معاقب عليها بالاعدام والسجن المشدد وكان ذلك التهديد مصحوبا بطلب وتكليف يأمر . وتتهمه بتعمد ازعاج الغير باستعمال وسائل الاتصال والسائق يجيب انا كل اللي عملته اني نفذت الحاجة اللي طلبها مني عمرو الليثي . * والفجر تحتفظ بحقها عند كل من ينقل عنها هذا الخبر دون الاشارة الى مصدره وهو ( موقع الفجر ) |
               |
ليست هناك تعليقات:
إرسال تعليق